KENDİGELÄN Mihail

 Mihail Vasilyeviç Kendigelän (duudu 1941 y.) – gagauz millet akıntısının pay alanı.

 Erleşmä: Komrat kasabası.

 Mihail Vasilyeviç Kendigelän duudu oktäbrinin 4-ündä 1941 yılda Komrat kasabasında. 

 1958 yılından 1962 yılına kadar üürendi T.G. Şevçenko adına Tiraspol devlet pedagogika institutunda.

 1962-1972 yıllarda Çok-Maydan küüyündä işledi rus dili hem literaturası üüredicisi, oldu şkola direktoru. 1972-1977 yıllarında oldu direktor Komradın 3-üncü şkolasında.

 80-inci yılların sonunda Mihail Kendigelän olȇr liderlerin biri Gagauziyanın kurulması için halk akıntısında. 1990 yıldan 1995 yıladan öndercilik etti Gagauz Respublikası Üüsek Nasaatında.

 1999-2002 yıllarda Kendigelän oldu Gagauziya Halk Topluşu Başı.

 2010 yılda başka aksakallarlan kurdu Gagauziya ATB Aksakallar Nasaatını. Kabletti en üüsek devlet ödülünü – Respublika Ordenini.