KVİLİNKOVA Elizaveta

Detallı

Elizaveta Nikolaevna Kvilinkova (Kasım) (duudu 1966 y.) – istoriya bilimneri doktor habilitat, konferenţiar (doţent).

Erleşmä: Çadır-Lunga kasabası.

Duudu iyünün 8-indä 1966 yılda Moldova Respublikasının Çadır-Lunga kasabasında. 1991 yılda başardı M.V. Lomonosov adına Moskva devlet universitetini (istoriya fakulteti). 1991 yıldan 2020 yıladan işledi Moldava Bilim akademiyasında (Kultura miras institutu, gagauzologiya bölümü). 2020 yıldan büünkü günädän işleer Belarus Millet bilim akademiyasında baş bilim zaametçisi.

2002 yılda Rusiya Bilim akademiyası N.N. Mikluho-Maklay adına Etnografiya hem antropologiya institutunda korudu istoriya bilimneri kandidat disertaţiyasını temaya: «Календарная обрядность гагаузов в конце XIX – начале XX вв.». 2008 yılda Moldova bilim akademiyası İstoriya institutunda korudu istoriya bilimneri doktor habilitat disertaţiyasını temaya: «Региональные особенности традиционной духовной культуры гагаузов». 2009 yılda o kabletti konferenţiar (doţent) adını.

Bilim zaametini götürer bu uurlarda: istoriya, gagauzların adetçä kulturası hem folkloru; etnika, dil hem din tanıması; etnokultura belirtileri hem millet simvolları.

Kolektiv monografiyaların sorumnu redaktoru: «Гагаузы» (серия «Народы и культуры»), «Гагаузы в мире и Мир гагаузов», «Национальные интересы Молдовы в дискурсе современных вызовов». Bilim toplumnarda redakţiya grupanın azası: «Наука, образование, культура» (Комратского университета), «Этнографические исследования в Республике Молдова: история и современность», «Femeile din Moldova». Bilim jurnalların redakţiya nasaatların azası: Moldovada – «Revistа de Etnologie și Culturologie», «Славянские чтения» (bilim-teoretika jurnalı), Ukrainada – «Актуальнi питання суспiльних наук та iсторiï медицини», Belarusiyada – «Беларуская этнаграфія, этналогія і антрапалогія», Tatarstanda – «Историческая этнология». Bir sıra bilim monografiyasına reţenziya yazdı.

Moldova Bilim Akademiyası Kultura mirası institutunda etnologiya uurunda özel bilim seminarın baş yardımcısı, Moldova Respublikasında “Etnologiya” zanaatında disertaţiyaları korumak özel nasaatlar azası. Komrat devlet universitetindä Devlet ekzameni komisiya başı (2020), Belarusiya Respublikası Üüsek atestaţiya komisiyası istoriyada Ekspert nasaatın bilim sekretarı (2021 yıldan).

Hazırladı “Etnopolitologiya” özel kursunu hem okudu onu Moldova halklararası ilişkilär institutunda (2018–2020 yıllar).

Kabletti diplomnarı: Moldova Bilim akademiyası – «halklararası alanında bilim aaraştırmalar sonuçların tanıtımı için hem Dünnä bilim günün kutlanılması için» (2010), «bilim zaametindä üüsek başarılar için hem ilk bilim-aaraştırma institutu kurulmanın 70-inci yıldönümü için hem Moldova Bilim akademiyası kurulmanın 55-inci yıldönümü için» (2016); Moldova Bilim akademiyası Kultura mirası institutu – «kultura mirasının aaraştırmasında hem korumasında başarıları için hem Moldova Bilim akademiyasında gagauzologiya bölümü kurulmasının 25-incı yıldönümü için» (2012), «Moldova Respublikası bilim zaametindä aktiv pay alması için hem gagauzların adetçä kultura paalılıkların tanıtımı için» (2016). Ona verildi Belarusiya Millet Bilim akademiyası belarus kulturası, dili hem literaturası aaraştırmalar merkezin gramotası «bilim zaametindä büük başarıları için, basımnarı için, bilim işin “Белорусы в Молдове и Молдова в белорусах” tiparlanması için hem Belarusiya bilim günün kutlanılması için» (2022).

Ödüllendi Gagauziya (Gagauz Eri) ATB medalilerinnän (2009, 2012).