NİKOGLO Diana

 Diana Evgenyevna Nikoglo (duudu 1964 y.) – istoriya bilimneri doktor.

 Erleşmä: Komrat kasabası. 

 Nikoglo Diana Evgenyevna duudu dekabrinin 17-sindä 1964 yılda Komrat kasabasında.

 1982 yılda bitirdi birinci Komrat orta şkolasını (şindi D. Kara Çoban adına liţey) da hep o yıl girdi Kişinöv devlet universitetinin filologiya fakultetinä. Başardı universiteti 1987 yılda zanaatta «filolog, rus dili hem literatura üüredicisi». 1987 yıldan 1991 yıladan işledi rus dili hem literatura üüredicisi N.V. Gogol adına Kişinöv 37-inci orta şkolasında.

 1991 yılda girdi işä Moldova Bilim Akademiyası Gagauzologiya bölümünä. Bilim uurunda Diana Evgenyevna meraklanardı gagauzologiya istoriografiyasınnan hem gagauzların material kulturasınnan. 1993-1996 yıllarında üürendi Moldova Bilim Akademiyası Etnografiya hem folklor institutunun doktoranturasında. 2002 yılda Rusiya Bilim Akademiyası (Moskva) Etnologiya hem antropologiya institutunda korudu kendi dokstor disertaţiyasını temada: «Традиционная пища гагаузов XIX – начала XX в.».

 Yazdı yakın 200 iş, onnarın arasında monografiya «Система питания гагаузов XIX – начала XX в.» (2004) hem kolektiv monografiyası «Чийшия. Очерки истории и этнографии села Городнее в Бессарабии» (2002). Kimi statyaları tiparlandı Rusiyada, Polşada, Bulgariyada, Türkiyada hem başka devletlerdä.

 2004 yıldan 2009 yıladan üüredicilik etti Tarakliya devlet universitetindä. 2005-2017 yıllarda – Komrat devlet univesitetindä baş üüredici olarak, 2015 yıldan da – doţent olarak.

 2006-2017 yıllarda – Kultura mirası institutun «Revista de etnologie şi culturologie» jurnalın redkolegiya azası. 2020 yıldan ilerletti zaametini bu uurda. 2017 yıldan – İ.S. Turgenev adına Orlov devlet universitetinin «Abyss (Вопросы философии, политологии и социальной антропологии)» jurnalın redkolegiya azası.