SIRF Vitaliy

 Vitaliy İvanoviç Sırf (duudu 1964 y.) – filologiya bilimneri doktor.

 Erleşmä: Tomay küüyü.

 Vitaliy İvanoviç Sırf duudu noyabrinin 15-indä 1964 yılda Tomay küüyündä.

 1989 yılda girdi üürenmää İon Krängȇ adına Kişinöv devlet pedagogika universitetinä. Başardı onu 1993 yılda zanaatta Rus dili hem literaturası millet şkolada hem gagauz dili hem literaturası. 2001 yılda kabletti Folologiya bilimneri doktoru adını. Disertaţiya teması: “Гагаузская волшебная сказка”.

 Meraklanan alannar: filologiya, folkloristika, etnologiya, kulturologiya, bilim bilgilär istoriyası.

 Universiteti başardıktan sora Vitaliy İvanoviç işledi Moldova Respublikası Kultura ministerlii Kultura mirası institutunda, “Gagauzlar etnologiyası” bölümünün baş bilim zaametçisi, neredä işleer büün dä. 1995 yıldan büünkü günädän işleer Komrat devlet universitetinin Gagauz filologiyası hem istoriya kafedrasında. 2012 yıldan şindiki vakıdadan işleer Gagauziya M.V. Maruneviç adına Bilim-aaraştırma merkezi Dil, literatura hem folklor bölümünün baş bilim zaametçisi.

 Bilim uurunda başarıları için ödüllendi “Gagauz Respublikasının 20-ci yıldönümü” medalisinnän, Kultura mirası institutu direktorun hem Gagauziya Başkanı hem Halk Topluşu gramotalarınnan.