TABUNŞÇİK Georgiy

  Georgiy Dmitrieviç Tabunşçik (duudu 1939 y.) – devlet hem politika zaametçisi, Gagauziya Başkanı.

  Erleşmä: Kıpçak küüyü.

 Georgiy Dmitrieviç Tabunşçik duudu avgustun 1-indä 1939 yılda Kıpçak küüyündä.

 1957 yılda başardı Tarakliya orta şkolasını, 1962 yılda da – Kişinöv çiftçilik institutunu zanaatta agronomiya (bilimci agronom). 1974 yılda bitirdi üürenmeyi Kişinöv devlet universitetinin aspiranturasında. Hep o yılda korudu filosofiya bilimneri kandidat disertaţiyasını temada “Борьба В.И. Ленина против философского и политического ревизионизма в годы реакции за идейное единство марксистской партии”.

 1962 yıldan başlȇȇr onun iş hem politika zaameti. O işledi baş agronom, Kolhozlar birlii başı, Moldova Komunist Partiyası Merkez Komisiya azası oldu, deputat, baş yardımcısı.

 1993 yılda Georgiy Tabunşçik girdi iniţiativ grupasına, ki enidän kurmaa Moldovada komunist partiyasını.

 1995 yılın may ayın Gagauziya Başkanı hem Halk Topluşu deputatın seçimnär sonuçlarına görä Georgiy Dmitrieviç oldu Gagauziya ATB-nın ilk Başkanı (1995 yıldan 1999 yıladan). Bu vakıtta o saaladı avtonomiyanın politika, teritorial hem yuridik oluşmasını, ekonomika tarafından da bölgä ilerlärdi.

 2002 yılın oktäbri ayında Gagauziyada geçti sıra dışı Başkan seçimneri. Georgiy Dmitrieviç Tabunşçik kazandı ikinci turdan.

 Tabunşçiin 2002 yıldan 2006 yıladan Başkan olmasında büük diişilmeklär geçti. Gelişti ekonomika, açıldı 3000-dän zeedä iş eri, Gagauziyada, ilk Moldova bölgesindä, geçirildi gaz herbir erleşmeyä. 2006 yılın iyül ayında geçti ilk Gagauzların Dünnä kongresi, neredä pay aldı 14 devlettän temsilcilär.

 Kendi büük hem verimni çalışmaları için Georgiy Dmitrieviç kabletti ödülleri: Kırmızı Bayrak İş Ordeni, Orden «Знак Почета», Halklar Dostluk Ordeni, Orden «Трудовая слава», Respublika Ordeni, Orden «Богдан-Основатель».