KOÇAN Kristina
- Detallı
Kristina Koçan (duudu 1991 y.) – gagauz yazıcısı.
Erleşmä: Beşalma küüyü.
Kristina Koçan duudu mardın 1-indä 1991 yılda Beşalma küüyündä. Onbir yaşında aylesinnän bilä geçti yaşamaa Komrat kasabasına. Bitirdi D. Kara Çoban adına teoretik liţeyini, üürendi D. Savastin adına resim şkolasında. Başardı Moldova devlet agrar universitetinin ekonomika fakultetini. İşleer Komratta buhgalter. Yazȇr peet hem beener resimnemää.
Pay aldı “Akademiya Rumeli” proektindä 2014 yılda Türkiyada. “Meras” proza yarışmasında kazandı ikinci eri (2015). 2014 yılda Gagauziyanın 20-inci yıldönümünä adalı peet yarışmasında aldı üçüncü eri şiirinnän “Yaşasın halkım”.
Katıldı Bibliyayı gagauz dilinä çevirmää işinä. Onun yaratmaları tiparlandı jurnallarda “Oguz sesi”, “Sabaa Yıldızı”, “Ayna”, “Gagauz yazıcılar birlii”, gazetalarda “Ana Sözü”, “Hakikatın sesi”. Kristinanın şiirleri çevirildi rus dilinä da 2021 yılda tiparlandı jurnallarda “Бельцкие просторы”, “Веретено”.