KURDOGLU Konstantin

 Konstantin İvanoviç Kurdoglu (duudu 1957 y.) – gagauz yazıcısı, publiţist, üüredici.

 Erleşmä: Baurçu küüyü.

 Konstantin Kurdoglu duudu kasım ayın 14-dä 1957 yılda Çadır dolayın Baurçu küüyündä. Bitirdi Baurçu orta şkolasını, sora üürendi Lvov Fizik hem sport institutunda.

 1980-2021 yıllarında işledi üüredici Baurçu küüyü liţeyindä, oldu direktor yardımcısı.

 Pedagogika uurunda başarıları için ona verildi ad “Gagauziyanın şannı üüredicisi”. Gagauz halkının kulturasını ilerletmäk uurunda çalışmaları için nışannandı “Mihail Çakir ördeninnän”. 2021 yılda Konstantin Kurdogluya verildi Moldovanın üüsek ödülü “Ordenul Republicii”.

 2014 yılda yaratmasınnan “Bölünmüş düş” Konstantin Kurdoglu kazandı üçüncü eri Evropa hem Aziya Yazıcılar birliin geçirdii Mahmud Ali Kaşgarlı adına halklararası konkursunda, 2015 yılda Gagauziyada kazandı konkursu “Гагаузы в Первой мировой войне”. Pay aldı çoyu halklararası konferenţiyalarda, Altayda hem Kurskta istoriya ekspediţiyasında. Gitti hacılaa Afona Ayoz Bayıra (2008, 2015 yy.). Konstantin Kurdoglu yazdı çok kiyat küüyün istoriyası hem Gagauziya yaşayannarı için.

 Konstantin İvanoviç Gagauziya yazıcılar birliin kurucuların biri hem Gagauziya yazıcılar birlii jurnalın baş redaktoru.