KÖSE Mariya

 Mariya Georgievna Köse (duudu 1950 y.) – gagauz yazıcısı, üüredici.

 Erleşmä: Valkaneş kasabası.

 Mariya Köse duudu aprilin 4-ündü 1950 yılda Valkaneş kasabasında. Kendi kasabasında başardı orta şkolayı, nedän sora girdi üürenmää Tiraspol pedagogika universitetinä filologiya fakultetinä. Bütün yaşamasını üüredicilik etti kendi ana kasabasında.

 90-ıncı yıllarda Mariya Georgievna aktiv pay aldı gagauz halkının güreşmesindä kendi Respublikasının kurulması için.