PEYOGLO Andrey
- Detallı
Andrey Georgieviç Peyoglo (duudu 1964 y.) – shiarhimandrit İoan Peyoglo, gagauz yazıcısı.
Erleşmä: Komrat kasabası.
Andrey Georgieviç Peyoglo duudu dekabrinin 11-indä 1964 yılda Komratta çiftçi aylesindä.
2005 yılda o girdi üürenmää Kiev ruh seminariyasına, angısını başardı 2009 yılda. Avgust ayın 21-indä 2009 yılda Hınku karı manastırında kabletti shiierodyakon sanını, sora da popaz oldu.
2013 yılda başardı Kişinöv üüretim institutunda Psihologiya zanaatını. 2014 yılda Kişinöv hem Moldova mitropoliti Vladimir verdi ona hak taşımaa Çantı Kuşaanı hem Altın güüs Kruçasını. Hep o yılın episkop Anatoliy ödülledi onu II-ci uur ordeninnän “Meritul bisericesc”.
2015 yılda oktäbrinin 26-ında mitropolit Vladimir koyȇr onu shiarhimandrit sanına. Hep o yılın o konuldu Panaiya İver ikonası adına karı manastırına.
Kendi çalışmaları hem başarıları için Klisä önündä episkop Anatoliy shiarhimandrit İoanı ödülledi Ay Georgi medalisinnän.
Boba İoan meraklanȇr halkın istoriyasınnan, toplȇȇr söleyişleri. Onun peetleri tiparlandılar “Sabaa Yıldızı” jurnalında, “Комратские вести” hem “Ana Sözü” gazetalarında. Kimi peetlerinä yazıldı muzıka.
2017 yılda boba İoan ödüllendi II-ci uurda “Святого Василия Великого” medalisinnän. 2019 yılda ona verildi ad “Gagauziyanın saygılı vatandaşı”.