BÜÜK Alla Petrovna

 Alla Petrovna BÜÜK (Çernioglo) (duudu 1987 yılda) – gagauz yazıcısı, jurnalist.

 Erleşmä: Çeşmäküü.

 Alla Büük duudu aprilin 14-dä 1987 yılda Çeşmäküündä. 2004 yılda bitirdi orta şkolayı ana küüyündä. Kabletti birkaç zanaat. Kişinöv devlet universitetindä kabletti jurnalist zanaatını, Komratta da Turizm zanaatında üürendi. Başardı masteratı Komratta. Alla Petrovna katıldı çoyu kurslara, ki kaldırmaa kendi ustalıını.

 2006 yıldan o işleer kendi zanaatına görä. Oldu jurnalist radioda, gazetalarda. Büünkü gündä Alla Petrovna işleer baş redaktor yardımcısı “Вести Гагаузии” gazetasında. O geçirdi türlü aaraştırmaları Gagauziyada presanın rolu için.

 Alla Büük yazȇr peet hem annatma, angıları tiparlanȇrlar türlü toplumnarda hem jurnallarda. O girer Türk dünnäsı genç poetlär hem yazıcılar birliinä, hem dä seçildi baş Genç gagauz yazıcılar birliinä.