BULGAR Stepan

 Stepan Stepanoviç Bulgar (duudu 1953 y.) – gagauz yazıcısı, istoriya bilgilerindä doktor.

 Erleşmä: Vinogradovka küüyü, Ukraina Sovet Soţialist Respublikası.

 Stepan Bulgar duudu 1953-üncü yılda Odesa bölgesinin Bolgrad dolayın Vinogradovka (Kurçu) küüyündä (Ukarina) çiftçi aylesindä.

 1977-1982 yıllarda üürendi Kişinöv devlet universitetinin istoriya fakultetindä. Üürenmäk yıllarında büük meraklan incelärdi gagauzların etnografiyasını.

 1981-inci yılda ana küüyündä Dmitriy Kara Çobanın yardımınnan kurdu istoriya-etnografiya muzeyini.

 Stepan Bulgar – gagauz halkının millet hakları için savaşçı. O oldu “Gagauz Halkı” halk akıntısının kurucusu, sora da seçildi onun başı.

 2004-üncü yıldan Gagauziya Bakannık Komitetinä baalı İstoriya, kultura hem üüretim uurunda bilim aaraştırmalar Nasaatın başı oldu; Gagauziya ATB Genel Üüretim bakannıına baalı Bilim aaraştırmalar hem üüretim-metodika işi merkezi istoriya hem etnografiya bölümünün başı oldu.

 Taa Gagauziya M.V. Maruneviç adına Bilim-aaraştırma merkezi direktorunun işini götürdü.