ÇEBOTAR Pötr

 Pötr Afanasyeviç Çebotar (duudu 1957 y.) – gagauz yazıcısı.

 Erleşmä: Haydar küüyü.

 Pötr Çebotar duudu oktäbrinin 9-da 1957 yılda Çadır dolayın Haydar küüyündä. 1982 yılda bitirdi Kişinöv devlet universitetinin filologiya fakultetini.

 Universitettän sora girdi işlemää Moldova Bilim akademiyası Dil hem literatura institutuna baş laborant. Yazın 1986 yılda onu geçirdilär küçük bilim zaametçi görevinä, 1987 yılın may ayından sa – Moldova Bilim akademiyası Etnografiye hem incä zanaat bölümünün Gagauzologiya bölümünä. Burada o işledi 2001 yıla kadar. Kendi bilim zaametini ilerletti Gagauziy Üüretim bakannıı M.V. Maruneviç adına Bilim-metodika sektorunda (2010-2012), sora Gagauziya M.V. Maruneviç adına Bilim-aaraştırma merkezindä (2013 yıldan). Burada o büün dä işleer.

 P.A. Çebotarin bilim meraanı çeker rus hem gagauz dillerin literatura, leksikografiya, onomastika hem folklor problemaları.

 Hazırladı “Gagauz-rus” sözlüünü. Barabar başka zaametçilärlän 2002-nci yılda transliteraţiya yaptı “Gagauz-rus-moldovan sözlüünä”, angısı tiparlandıydı 1973-üncü yılda Moskvada.