DURBAYLO Mariya

 Mariya Angelovna Durbaylo (Kuyumcu) (duudu 1941 y.) – gagauz yazıcısı.

 Erleşmä: Tomay küüyü.

 Mariya Kuyumcu duudu noyabrinin 11-indä 1941 yılda Çadır dolayın Tomay küüyündä çiftçi aylesindä. Bitirdi şkolayı ana küüyündä, sora girdi üürenmää Kaul pedagogika uçilişçesinä. Bitirip uçilişçeyi 1962 yılda o birkaç yıl işledi üüredici kendi küüyündä.

 Başardı istoriya fakultetini Kişinöv devlet universitetindä. 1970-1991 yıllarda topladı gagauz folklorunu. 2000 yıla kadar işledi folklorcu Moldova Bilim Akademiyasında.

 Kendi yaşamasını Mariya Angelovna adadı gagauz folkloruna, topladı hem aaraştırdı onu. Topladı pek çok gagauz halk türküsü, baladası. Onnarın çoyu girdilär topluma “Balada türküleri”, angısı basıldı 1991 yılda. Hep o yılda tipardan çıktı avtorun proza toplumu “Toomsuz tarlada yaban gülleri”. 2010 yılda çıktı “Лебеди несут письмо” istoriya-fantastika romanın ilk payı. İkinci onun payı basıldı 2012 yılda.