MARİNOGLU Födor

 Födor İvanoviç Marinoglu (duudu 1955 y.) – gagauz yazıcısı, üüredici.

 Erleşmä: Avdarma küüyü.

 Födor Marinoglu duudu 1955-inci yılda küçük ayın birindä Avdarma küüyündä. Bitirdi Kişinöv devlet universitetinin jurnalistika fakultetini. İşledi korespondent “Ленинское слово” gazetasında. “Halk birlii” gazetada hem “Gagauz dili hem literaturası” jurnalda oldu baş redaktor.

 Tiparladı artistik kiyatlarını, “Kontrol toplumu (diktantlar) 5-10 klaslar için” kiyadını. 2011-inci yılda İ. Kazmalıylan bilä çıkardı kiyadı “Авдарма. История села 1811-2011”.

 T. Marinoglu – Gagauz Yazıcılar Birliin azası. Oldu Moldova Parlament
deputatı (1990-1994 yy.), Halk Topluşu deputatı (1999-2003 yy.).

 O nışannı Moldova Devletin “Ordenul Republicii” ordeninnän hem
“Meretul çivic” medalisinnän, Gagauz Avtonomiyasının 4 medalisinnän. 2010-uncu yılda kabletti üüsek ad „Gagauziyanın Saygılı Üüredicisi”.

 Gagauz radiosunda hem televizionunda dayma işidiler onun şiirlerinä görä türkülär. Muzıka tekstlerä yazdılar bölä anılmış gagauz kompozitorlar, nicä İlya Filev, Sergey Uzun, Födor Radionov, İvan Kurdoglo, Mihail Kolsa, Leonid Urum, Dmitriy Nedov.

 2017-inci yılda N. Baboglunun annatmasına görä hem Marinoglunun sţenariyasına görä rejisör İvan Patraman çıkardı “Dünürcülük” kinosunu.

 Çok yıl Födor İvanoviç işledi hem büün dä işleer şkolada Avdarma küüyündä, götürer gagauz dilini hem literaturasını.