Geçti “Gagauz literatura kartası” proektin prezentaţiyası

  Aprilin 13-dä geçti “Gagauz literatura kartası” proektin prezentaţiyası – kompleksli soţial-kultura proektinin, angısını başlattı Gagauziya M.V. Maruneviç adına Bilim-aaraştırma merkezi. Proektin kurulması yardım eder kolay kabletmää informaţiyayı.

   Proekt doorudulu türlü kategoriya insannarın ruh, kultura hem intelektual gelişiminä.

   Butakım formatta informaţiya meraklı avtorlara hem okuyuculara, üüredicilerä, studentlerä, üürenicilerä, hem hepsinä, kim meraklanȇr ana tarafının istoriyasınnan hem literatura yaşamasınnan.

      Saytın temelini kurȇr informaţiya sayfaları bilgilärlän gagauz yazıcıları, bilimcileri, cümnä zaametçileri için.

   Prezentaţiyada pay aldılar gagauz yazıcıları hem poetleri, şkola, kasaba hem küü bibliotekaların temsilcileri, bilimcilär hem cümnä zaametçileri.

   Saytın kurucularına, hem hepsinä, kim aktiv pay aldı bu iştä, Gagauziya BAM öndercilii verdi şükürlük kiyatlarını gagauz literaturasının ilerletmesinä katkıları için.